Foto: Ukrayna Prezidentinin Ofisi
Böyük Britaniya Ukraynaya hərbi yardım çərçivəsində rekord sayda – 120.000 ədəd dron göndəcəyini açıqlayıb. Bu, Britaniya tarixində dronların sayı baxımından ən böyük paketdir.
Paketə yalnız adi PUA-lar yox, həmçinin uzaqmənzilli zərbə dronları, kəşfiyyat, logistika və hətta dəniz dronları daxildir.
Bu tədarük Londonun Ukrayna üçün ayırdığı illik 3 milyard funt-sterlinqlik (təxminən 4 milyard dollar) hərbi yardım büdcəsi və dondurulmuş Rusiya aktivlərindən əldə olunan gəlirlər hesabına maliyyələşdiriləcək.
Britaniya Müdafiə Nazirliyinin məlumatına görə, tədarüklərə artıq start verilib.
“Politfm”
