Foto: internet
Bu ilin 6 ayında Azərbaycanda doğumda, nikah və boşanmada azalma davam edib, ölüm sayı isə artıb.
Bu barədə avqustun 17-də Dövlət Statistika Komitəsi məlumat verib.
Bildirilir ki, ilin əvvəlindən ölkə əhalisinin sayı 11099 nəfər və ya 0,1 faiz artaraq iyulun 1-də 10 milyon 273 min 450 nəfərə çatıb. Əhalinin 54,3 faizini şəhər, 45,7 faizini kənd sakinləri, 49,8 faizini kişilər, 50,2 faizini isə qadınlar təşkil edir.
Doğum azalıb
Ədliyyə Nazirliyinin rayon (şəhər) qeydiyyat şöbələrində cari ilin I yarısında 40 798 yeni doğulan körpə qeydə alınıb. Ötən ilin müvafiq dövrüylə müqayisədə bu göstərici əhalinin hər 1000 nəfərinə 9,0-dan 8,0-a düşüb.
Doğulanların 53,5 faizi oğlan, 46,5 faizi isə qız uşaqları olub.
Körpələrdən 1 420-si əkiz, 57-si isə üçəm doğulub.
Dağlıq Şirvan (10,1), Lənkəran-Astara və Şərqi Zəngəzur (9,9), Qarabağ (9,7) və Mil-Muğan (9,0) iqtisadi rayonlarında doğum səviyyəsi ölkə ortalamasından (8,0) daha yüksəkdir.
2025-ci ilin ilk 6 ayında ölkədə 45 min 616 körpənin doğulduğu açıqlanmışdı. Statistika göstərir ki, son 10 ildə Azərbaycanda doğuşda azlama 60 faizi keçib.
Ölüm əmsalı artıb
Hesabat dövründə ölkə üzrə 30 625 ölüm halı qeydə alınıb. Əhalinin hər 1000 nəfərinə düşən ölüm əmsalı ötən ilin müvafiq dövründəki 5,8-dən 6,0-a yüksəlib (0,2 bənd artım). Ötən ilin 6 ayında isə 29 min 400 ölüm halı qeydə alnmışdı.
Nikahlar azalıb
Hesabat dövründə 19 224 nikah və 9 776 boşanma qeydə alınıb. Hər 1000 nəfərə nikahların sayı 4,9-dan 3,8-ə düşüb. Boşanmaların sayı isə hər 1000 nəfərə 2,0-dan 1,9-a enib.
Ən yüksək nikah göstəriciləri Şərqi Zəngəzur (4,8) və Qarabağ (4,6) iqtisadi rayonlarında müşahid olunub.
2025-ci ilin müvafiq dövründə isə 24 min 815 nikah və 10 min 350 boşanma rəsmiləşdirilmişdi.
“Politfm”
