Foto: Kevin Dietsch/”Getty Images”
ABŞ Prezidenti Donald Tramp bəyan edib ki, İranla əldə olunmuş razılaşmada irəliləyiş olmazsa və icra edilməzsə, daha güclü hərbi zərbələr endirilə bilər.
O qeyd edib ki, razılaşma tam şəkildə yerinə yetirilənə qədər ABŞ silahlı qüvvələri Yaxın Şərqdə qalacaq.
“Bütün Amerika gəmiləri, təyyarələri və hərbi qulluqçuları, eləcə də əlavə silahlar, sursat və artıq əhəmiyyətli dərəcədə zəiflədilmiş düşmənin ölümcül şəkildə təqib və məhv edilməsi üçün lazım olan hər şey əldə olunmuş REAL RAZILAŞMA tam icra olunana qədər İran ərazisində və onun ətrafında qalacaq” – Tramp özünün “Truth Social” hesabında belə yazıb.
Amerika prezidenti əlavə edib ki, buna “son dərəcə az ehtimal” versə də, bu razılaşma “hər hansı səbəbdən” yerinə yetirilməzsə, “indiyə qədər görünməmiş dərəcədə daha genişmiqyaslı və daha güclü hərbi əməliyyatlar başlayacaq”.
“Politfm”
