Türkiyə Prezidenti Rəcəb Tayyib Ərdoğan və Kanadanın Baş naziri Mark Karni, Ankara, 8 iyul 2026 (foto: “Canadian Press”)
Türkiyə Prezidenti Rəcəb Tayyib Ərdoğan 7-8 iyul tarixlərində Ankarada keçirilmiş NATO sammiti çərçivəsində Kanadanın Baş naziri Mark Karniyə üzərində onun adı həkk olunmuş tapança və döyüş patronları hədiyyə edib.
Bu barədə BBC məlumat yayıb.
Bildirilir ki, Ərdoğan digər NATO ölkələrinin liderlərinə də adları həkk olunmuş revolverlər və döyüş patronları təqdim edib.
Kanadanın Xarici İşlər Nazirliyi bildirib ki, NATO-nun bütün liderlərinə eyni hədiyyə təqdim olunub. Nazirliyin açıqlamasına görə, Karniyə verilmiş tapança istifadə üçün yararsız vəziyyətə gətirilməsi məqsədilə Kral Kanada Atlı Polisinin sərəncamına veriləcək. Bundan sonra silahdan döyüş patronlarıyla atəş açmaq mümkün olmayacaq.
Nazirlik həmçinin qeyd edib ki, “Bütün rəsmi hədiyyələr Kanada qanunvericiliyinə, təhlükəsizlik tələblərinə və dövlət siyasətinə uyğun qaydada qəbul edilir və emal olunur”.
Kanada hökumətinin yüksək rütbəli nümayəndəsinin sözlərinə görə, rəsmi Ottava bu hədiyyənin saxlanılması üçün münasib yer müəyyənləşdirəcək. Onun sözlərinə görə, silahın Kanada muzeylərindən birinə verilməsi də istisna edilmir.
Hədiyyə edilən odlu silahın fotosu hələlik ictimaiyyətə təqdim olunmayıb.
“Politfm”
