Foto: internet
Bu ilin yanvar-iyul aylarında Azərbaycan 305,1 milyon dollar dəyərində əczaçılıq məhsulları idxal edib.
Bu barədə Dövlət Gömrük Komitəsi məlumat yayıb.
Bildirilir ki, bu göstərici ötən ilin eyni dövrü ilə müqayisədə 2,7% və ya 8,7 milyon dollar azdır. Ötən ilin eyni dövründə idxalın dəyəri 313,8 milyon dollar olub.
Əczaçılıq məhsullarının idxalı hesabat dövründəki ümumi idxalın (9 milyard 888 milyon manat) 3.08%-ni təşkil edir.
Ölkəyə gətirilən dərman vasitələrinin dəyərində cüzi azalma müşahidə olunsa da, daxili bazarda aktivlik və artım dinamikası qeydə alınır.
Dövlət Statistika Komitəsinin məlumatlarına əsasən, ilin ilk 7 ayında ölkədə 24 milyon manatlıq əczaçılıq məhsulu istehsal olunub. Bu da illik müqayisədə 53,9%-lik ciddi artım deməkdir.
Pərakəndə ticarət şəbəkələrində əczaçılıq məhsulları və tibbi ləvazimatların satışı 1 milyard 79,9 milyon manata çatıb.
Vətəndaşların bu kateqoriya üzrə xərcləri ötən ilin eyni dövrü ilə müqayisədə 23,8% artıb.
“Politfm”
