Bu gün Bakıda keçirilən COP29-da Çoxtərəfli İnkişaf Bankları ölkələrə iddialı iqlim nəticələrinə nail olmaq üçün maliyyə dəstəyi və digər tədbirləri əks etdirən birgə bəyanat yayıb.
Avropa Yenidənqurma və İnkişaf Bankının yaydığı məlumatda bildirilir ki, hesablamalara görə, aşağı və orta gəlirli ölkələr üçün illik cəmi iqlim maliyyələşdirməsi 120 milyard ABŞ dollarına çatacaq.
Yüksək gəlirli ölkələr üçün illik cəmi iqlim maliyyələşdirməsinin 50 milyard ABŞ dollarına çatacağı proqnozlaşdırılır.
Bəyanat – Afrika İnkişaf Bankı Qrupu, Asiya İnkişaf Bankı, Asiya İnfrastruktur İnvestisiya Bankı, Avropa Şurası İnkişaf Bankı, Avropa Yenidənqurma və İnkişaf Bankı tərəfindən yayılıb.
İnformasiya şöbəsi
